بھارت بائیو ٹیک انٹرنیشنل لمیٹیڈ (بی بی آئی ایل) نے قبل ازیں اس تجربہ کی ذمہ داری شعبہ میڈیسن کے اسسٹنٹ پروفیسر واسودیو کو دی تھی۔ تاہم اب یہ ذمہ داری سینئر پروفیسر وی کے جی ایچ کے شعبہ اطفال کے صدر پی وینو گوپال کو بی بی آئی ایل نے دی ہے۔
آندھرا میڈیکل کالج کے پرنسپل سدھاکر نے حال ہی میں اس سلسلہ میں مکتوب روانہ کیا اور کہا کہ وینوگوپال کو ماضی میں انسانوں پر دواؤں کے تجربہ کا وسیع تجربہ ہے۔ بیشتر اداروں بشمول بی بی آئی ایل اس اسپتال میں ٹیکہ کے انسانوں پر تجربہ کے لئے آگے آئے ہیں۔
سدھاکر نے کہا کہ متعلقہ کمپنیوں سے حاصل تجاویز پر غور کیا جائے گا اور ان کو حتمی منظوری کے لئے اس ماہ کی 20 تاریخ کو ڈی ایم ای کے دفتر بھیجا جائے گا۔ سدھاکر نے کہا کہ حکومت سے منظوری ملنے کے ساتھ ہی اس ٹیکہ کے انسانوں پر تجربہ کا آغاز کردیاجائے گا۔
