وارانسی: ٹرینیں نہ چلنے سے سیاحتی صنعت متاثر

عالمی وباء کورونا وائرس کی وجہ سے ہونے والے لاک ڈاؤن میں سبھی آمد و رفت کے ذرائع بند کر دیئے گئے تھے، لیکن اب جب حالات معمول پر آگئے ہیں تب بھی سبھی ٹرینیں نہ چلنے کی وجہ سے سیاحت سے منسلک کاروباریوں کو نقصانات کا سامنا ہے۔

اترپردیش کا شہر بنارس سیاحتی نکتہ نظر سے کافی اہم تصور کیا جاتا ہے۔ اس سیاحتی شہر میں سیاحوں کی کمی گذشتہ نو ماہ سے ہے۔ اب جب حالات قابو میں ہو گئے ہیں تب بھی سبھی ٹرینوں کے نہ چلنے سے کاروباریوں کو مشکلات درپیش ہیں۔

وارانسی کے کینٹ ریلوے اسٹیشن سے لاک ڈاؤن سے قبل 138 ٹرینیں گزرتی تھیں، جن میں سے ابھی تک کل 46 ٹرینوں کی سروس بحال ہو پائی ہے۔ وہیں لاک ڈاؤن سے قبل وارانسی جنکشن سے 32 ٹرینیں بن کر چلتی تھیں جن میں سے اب تک کل 11 ٹرینوں کی آمد و بحال ہوئی ہے۔

سیاحتی صنعت متاثر

سیاحتی صنعت متاثر

مکمل طریقے سے ٹرینوں کی آمد و رفت نہ ہونے کی وجہ سے بنارس میں ساڑی کاروبار، ہوٹل کاروباری، ملاح اور گھاٹوں پر مخلتف طرح کے کاروباریوں کا کاروباری تقریبا 50 فیصد ہی چلتا ہے۔ ان تاجروں کو مکمل طریقے سے ٹرینوں کے چلنے کا انتظار ہے، جن کی وجہ سے ان کی زندگی آسان ہو سکے۔