بنارس میں کورونا وائرس سے آج تیسری موت

ریاست اتر پردیش کے ضلع بنارس میں کورونا وائرس کے مریضوں کی تعداد میں مسلسل اضافہ ہورہا ہے وہیں مرنے والوں کی تعداد آج تین ہوگئی ہے۔

بنارس میں سابق پی سی ایس افسر کو 13 مئی کی رات کو بی ایچ یو کے آئسولیشن وارڈ کے آئی سی یو میں داخل کیا گیا تھا جہاں وہ پہلے دن سے ہی انتہائی نگہداشت میں تھے۔

اس سلسلے میں ضلع مجسٹریٹ کوشل راج شرما نے بتایا کیا 73 برس کے بزرگ کو 13 مئی کو کورونا وائرس سے متاثر ہونے کی تصدیق ہوئی تھی تب سے ان کا علاج جاری تھا، آج صبح آٹھ بجے انہوں نے آخری سانس لی۔ انہوں نے بتایا کہ اس کے علاوہ ان کو سانس لینے کی بیماری بھی تھی۔

واضح رہے کہ کورونا سے مرنے والے بزرگ شخص کے لڑکے کو بھی کورونا وائرس سے متاثر ہونے کی تصدیق ہوئی ہے جس کے بعد اسے بھی آئسولیشن وارڈ میں داخل کیا گیا ہے۔