ریاست اتر پردیش کے ضلع بنارس میں دریائے گنگا میں نیم برہنہ ہوکر سماج وادی پارٹی کے کارکنوں نے حکومت کے خلاف احتجاج کیا۔
سماج وادی پارٹی کے کارکن سنجے پریہ درشی نے میڈیا سے بات کرتے ہوئے کہا کہ کورونا وائرس کے انفیکشن سے بچاؤ کے لئے حکومت کے ذریعے کیے گئے لاک ڈاؤن سے' اتر پردیش مادھمیک سکچھا پریسد 'سے تصدیق شدہ غیر سرکاری امداد یافتہ اسکولز کے اساتذہ کو ماہانہ تنخواہ نہ ملنے کی وجہ سے شدید مشکلات درپیش ہیں. انہوں نے کہا کہ یہ اساتذہ ملک کے نونہالوں کی مستقبل تعمیر کرتے ہیں اب لاک ڈاؤن میں ان کو مالی بحران کا سامنا ہے ان کے گھر والے شدید مشکلات سے دوچار ہیں ایسے میں ریاستی حکومت ان اساتذہ کے لیے خاص بجٹ منظور کر کے مدد کرے.انہوں نے کہا کہ ریاست میں لاکھوں ایسے اسکولز ہیں جو ماہانہ تنخواہ نہیں دے پا رہے ہیں ایسے میں کم از کم حکومت اتنی رقم دے دے کہ ان کا گزارہ ہوسکے۔
