ریاست اترپردیش کے ضلع بنارس کے مہاتما گاندھی کاشی ودیا پیٹھ کی طلباء یونین نے پلے کارڈ لے کر پیٹرول و ڈیزل کی بڑھتی قیمتوں کے خلاف احتجاجی مظاہرہ کیا۔
مظاہرین بارش کے دوران وزیراعظم نریندر مودی اور یوپی کے وزیر اعلی یوگی کے خلاف نعرے بازی کرتے ہوئے پیٹرول و ڈیزل کی قیمتوں میں اضافے کی واپسی کا مطالبہ کیا۔
سابق طلبہ یونین کے صدر منیل یادوں نے ای ٹی وی بھارت سے کہا کہ بھارتیہ جنتا پارٹی نے وعدہ کیا تھا کہ حکومت آنے کے بعد پیٹرول اور ڈیزل کی قیمت میں واضح کمی کی جائے گی لیکن بھارت کی تاریخ میں یہ پہلی بار ہے کہ ڈیزل کی قیمت پیٹرول سے زیادہ ہوگئی ہے جس سے نہ صرف صرف عوام پریشان ہے بلکہ غریب اور مزدور خود کشی پر مجبور ہیں۔
مظاہرے کے دوران انھوں نے ایک آٹو کو سائیکل سے کھینچا اور کہا کہ عوام کے اندر اتنی استطاعت نہیں ہے کہ وہ پٹرول اور ڈیزل بھرا کر روڈ پر گاڑی چلا سکے۔
