کرونا وائرس کے اثرات کو پھیلنے سے روکنے کے لیے ملک میں جاری لاک ڈاون کے سبب ریاست اتر پردیش کے ضلع مئو میں تمام سرکاری اسپتالوں کو بھی بند کردیا گیا تھا۔
سرکاری اسپتالوں میں او پی ڈی کے بند ہونے کی وجہ سے مریضوں کے اہل خانہ کو کافی زیادہ پریشانیوں کا سامنا کرنا پڑ رہا تھا۔
عام لوگوں کی پریشانیوں کو دیکھتے ہوئے مئو ضلع انتظامیہ نے سرکاری اسپتالوں میں او پی ڈی شروع کرنے کا اعلان کر دیا ہے.
اس ضمن میں مئو ضلع کے تمام اسپتالوں کے او پی ڈی میں مریضوں کو دیکھنے والے ڈاکٹروں کی لسٹ جاری کر دی گئی ہے.
ڈاکٹروں کی فہرست جاری ہونے کے بعد مئو ضلع کے کل نو اسپتالوں میں اب ڈاکٹر متواتر اپنی خدمات انجام دیں گے.
