ریاست اترپردیش کے ضلع بنارس کے زید پورہ تھانہ علاقے میں واقع کٹہر محلے میں ساڑی کاروباری ممتاز کے گھر میں اچانک آگ لگ گئی جس سے لاکھوں کا سامان جل کر راکھ ہوگیا۔
تھانہ کی پولیس اور فائربریگیڈ عملے کے جوانوں نے مسلسل دو گھنٹہ کوشش کے بعد آگ پر قابو پایا۔
مکان میں آتشزدگی سے لاکھوں کا نقصان
ممتاز نے بتایا کہ اے سی میں شارٹ سرکٹ کی وجہ سے تیسری منزل پر ساڑی گودام میں آگ لگ گئی.
آگ لگنے کے بعد گھر والوں نے آگ بجھانے کی کوشش کی لیکن تب تک آگ شدت اختیار کرچکی تھی جس پر قابو پانا مشکل ہوگیا تھا.
پولیس اور فائر بریگیڈ کے ذریعہ کافی مشقت کے بعد آگ پر قابو پایا گیا لیکن تب تک لاکھوں کا سامان جل کر راکھ ہوگیا تھا.
