حج کے لئے درخواست دہندہ کی تعداد کافی کم

مئو ضلع میں حکومت کی جانب سے دو مراکز قائم کئے گئے تھے، لیکن اب تک فارم بھرنے والوں کی تعداد بہت کم ہے۔

اتر پردیش کے مئو ضلع میں حج فارم پر کئے جانے کا کام کافی سست رفتار سے چل رہا ہے۔ ضلع میں آن لائن فارم بھرے جانے کے لئے دو سنٹر قائم کئے گئے ہیں، لیکن یہاں حج کے لئے درخواست دینے والوں کی تعداد کافی کم نظر آرہی ہے۔

ریاست اتر پردیش کے مئو ضلع میں حج 2020 کی تیاریوں کے لئے ذمہ دار محکمہ اقلیتی فلاح و بہبود کے مطابق حج سے متعلق ویبسائٹ کافی سست رفتاری سے کام کر رہی ہے، یہی وجہ ہے کہ اب تک پر کئے جانے والے فارم کی تعداد کافی کم ہے۔

آن لائن حج فارم بھرنے کے لئے قائم سنٹرس کے ذمہ داروں کے مطابق انہوں نے اس سلسلے میں جانکاری مہیا کرانے کے لئے کافی کوشش کی ہے۔ لیکن حالت یہ ہے کہ مدرسہ خیرالمدارس پر قائم کئے گئے ایک سنٹر پر صرف تین فارم ہی بھرے گئے ہیں۔