یوپی کے نائب وزیر اعلی دنیش شرما آج وارانسی پہنچیں گے

اترپردیش کے نائب وزیر اعلی دنیش شرما آج اپنے ایک روزہ دورہ کے تحت وارانسی پہنچیں گے۔ اس موقع پر دنیش شرما یونیورسیٹز کے ڈائریکٹرز کے ساتھ میٹنگ کریں گے۔ اس کے علاوہ دیگر تقاریب میں بھی شرکت کریں گے۔

اترپردیش کے نائب وزیر اعلی دنیش شرما آج اپنے ایک روزہ دورہ کے تحت ورانسی پہنچیں گے۔ دنیش شرما وارانسی میں ریاستی حکومت کے تحت چلنے والی یونیورسیٹیز کے ڈائریکٹرز کے ساتھ میٹنگ کریں گے۔ اس کے علاوہ نائب وزیر اعلی تعلیم کو لے کر چلائے جارہے سرکاری منصوبوں اور عالمی وبا کورونا وائرس کے بعد اسکولز کے دوبارہ کھولنے کا جائزہ بھی لیں گے۔

نائب وزیر اعلی دنیش شرما کا استقبال وارانسی میں صبح دس بجے پروٹوکول کے مطابق کیاجائے گا۔

اس کے بعد نائب وزیر اعلی کاشی وشو ناتھ مندر میں درشن اور پوجا کریں گے۔

اس کے بعد وہ سرکٹ ہاوس جائیں گے۔ یہاں پر وہ صبح 11 بجے سے لے کر دوپہر 12 بجے تک مہاتما گاندھی کاشی ودیا پیٹھ،سنسکرت یونیورسٹی کے ڈاریکٹر کے علاوہ علاقہ کے شعبہ تعلیم افسران سمیت دیگر عہدیداروں کے ساتھ میٹنگ کریں گے۔ اس کے بعد میڈیا سے خطاب کریں گے۔

نائب وزیر اعلی دنیش شرما کا یہ دورہ تقریبا 8 گھنٹوں پر مشتمل ہوگا۔

درشن، پوجا اور میٹنگ کے علاوہ نائب وزیر اعلی پانچ ستمبر (یوم اساتذہ) کے موقع پر منعقد تقریب میں شرکت کریں گے۔

نائب وزیر اعلی لمبی مدت کے بعد وارانسی کا دورہ کررہے ہیں۔