بی ایس اے نے بنارس کے جنسا تھانے میں تحریری شکایت کی، جس میں انہوں نے کہا ہے کہ نومبر 2019 میں دووائی پور میں واقع کستوربا گاندھی اسکول میں اساتذہ کی تقرری کے لیے اشتہار نکالا گیا تھا، جس پر متعدد امیدواروں نے فارم بھرا تھا۔ ان میں انامیکا شکلا کو 3 مارچ 2020 کو تقرری کے لیے تقرری لیٹر بھیجا کیا گیا لیکن انہوں نے جوائن نہیں کیا۔
فارم کے ساتھ انامیکا نے ہائی اسکول کی مارک شیٹ سے لے کر سبھی دستاویزات کو جمع کیا تھا۔ گزشتہ 26 مئی کو محکمہ سے جاری ہونے والے ایک سرکلر سے واضح ہوا کہ انامیکا ریاست کے دیگر کئی اضلاع میں محکمہ کو گمراہ کر غلط طریقے سے اپنی تقرری کرانے میں کامیاب ہوئی ہیں۔ جنسا تھانہ انچارج رام آشیش نے بتایا کہ بی ایس اے کی تحریر کی بنیاد پر انامیکا شکلا کے خلاف دھوکا دہی اور گمراہ کرنے کے الزام میں مقدمہ درج کر جانچ شروع کر دی گئی ہے۔
