جموں و کشمیر کے ضلع ادھمپور میں تین روزہ انٹر ڈسٹرکٹ اسکول باسکٹ بال ٹورنامنٹ کا افتتاح عمل میں آیا جس میں جموں ڈویژن کے سبھی ضلعی اسکول کے طلبا نے شرکت کی۔
'کھیل طالب علم کے لیے بے حد ضروری ہے'
ڈپٹی کمشنر ڈاکٹر پیوش سنگلا نے آرمی پبلک اسکول کے میدان میں اس تین روزہ ٹورنامنٹ کا افتتاح کیا۔
اس موقع پر خطاب کرتے ہوئے انہوں نے کہا کہ 'کھیل طلبا کے لیے لازم جزو ہے۔ اس کے ذریعے طلبا خود کو ضلعی، ریاستی یا قومی ہی نہیں بلکہ بین الاقوامی سطح پر بھی ثابت کر سکتے ہیں۔'
انہوں نے مزید کہا کہ 'بھارت کی جانب سے بھی بین الاقوامی سطح پر کھیلنے والوں میں مرد و خواتین موجود ہیں، جنہوں نے سخت محنت سے اس مقام کوحاصل کیا ہے۔'
