غیر سرکاری تنظیم پرمارتھ کی جانب سے عام لوگوں کو خصوصا ضرورتمندوں کو خون کی سہولیات کی فراہمی کے لیے ادھمپور میں خون عطیہ کیمپ کا انعقاد کیا گیا۔
اس کیمپ میں نوجوانوں نے آگے آکر خون عطیہ کیا۔
اس موقع پر پرمارتھ تنظیم کی چیئرپرسن نے بتایا کہ تنظیم عام لوگوں و ضرورتمندوں کو خون دینے کا کام کرتی آرہی ہے۔
انہوں نے کہا کہ یہ تنظیم گذشتہ کئی سالوں سے چل رہی ہے ، جس میں تھیلیسیمیا کے مریضوں کو ضرورت پڑنے پر خون دیا جاتا ہے۔
انہوں نے مزید کہا کہ کووڈ 19 کی وجہ سے کیمپ کا انعقاد نہیں کیا جارہا تھا، حالات تھوڑے ٹھیک ہونے کے بعد یہ خون عطیہ کیمپ رکھا گیا ہے۔
انہوں نے نوجوانوں سے اپیل کرتے ہوئے کہا کہ اپنی توانائی کو صحیح سمت میں استعمال کریں اور اپنی توانائی کو معاشرتی کاموں کے لیے استعمال کریں۔ اس کے علاوہ اپنے آپ کو فٹ رکھنے کے لیے مستقل ورزش کریں اور دوسروں کی جان بچانے کے لیے خون کا عطیہ کریں تاکہ آپ کے خون سے کسی کو زندگی مل سکے۔
کووڈ 19 کی گائیڈ لائن پر عمل کرتے ہوئے نوجوانوں نے خون عطیہ کیمپ میں حصہ لیا۔
