آپ کو بتادیں کہ ریاستی حکومت سے اس تعلیمی پسماندہ علاقے میں کافی دنوں سے بی فارمیسی کالج کھولنے کا مطالبہ کیا جا رہا تھا۔
جس کو دیکھتے ہوئے حکومت نے پنڈت بابوراو چوگھلے بی فارمیسی کالج کو منظوری دے دی ہے۔
بتایا جا رہا ہے کہ، فارمیسی کا لج نہ ہونے کی صورت میں اعلیٰ تعلیم کی غرض سے طلباء کو تھانے اور ممبئی کے علاوہ دوسری ریاستوں کا رخ کرنا پڑتا ہے۔
بھیونڈی سے تعلق رکھنے والےطلباء کیلئے یہ بے حد خوشی کا مقام ہوگا کہ اب وہ اپنے شہر بھیونڈی میں ہی رہ کر حکومت سے تسلیم شدہ کالج میں بی فارمیسی کی تعلیم حاصل کر سکیں گے۔
اس ادارے کے بانی اور صدر مہادیو چوگھلے نے بتایا کہ باضابطہ اس فارمیسی کالج میں آن لائن داخلے کا عمل بھی شروع ہو گیا ہے۔
جس میں تعلقہ کے ساتھ ساتھ ضلع کے خواہش مند طلبا بھی بی فارمیسی میں داخلہ کیلئے آن لائن درخواست دے سکتے ہیں ۔
حکومت کے اس فیصلہ سے وہاں کے لوگوں میں خوشی کا ماحول ہے۔
