گاندربل: نالہ سندھ کے کنارے محکمۂ آبپاشی اور فلڈ کنٹرول کی جانب سے انہدامی کارروائی کے دوران ایک شخص نے خود سوزی کی کوشش کی Youth sets himself ablaze ہے۔
زخمی شخص کی شناخت 27 سالہ عامر حمید شاہ ولد نذیر احمد شاہ ساکن ہرن گاندربل کے طور پر ہوئی ہے۔
ذرائع کے مطابق انہدامی کارروائی کے دوران مذکورہ شخص ایک غیر قانونی ڈھانچے کے پیچھے سے اچانک نمودار ہوا اور اس نے چھت پر خود کو آگ لگا دی۔
نالہ سندھ کے کنارے کھڑے غیر قانونی ڈھانچے کو مسمار کرنے کے خلاف احتجاج کرتے ہوئے مذکورہ شخص کو ایس ایچ او گاندربل اور مقامی لوگوں نے موقع پر ہی بچا لیا۔ تاہم آگ بجھانے سے پہلے ہی وہ جھلس کر زخمی ہو گیا اور اسے ہسپتال منتقل کر دیا گیا۔
اطلاع کے مطابق عمارت کے مالک نے احاطے میں داخل ہونے سے روکنے کے لیے ایک گہرا گھڑا کھودا تھا، جس کی وجہ سے فوری ریسکیو نہیں ہوسکا۔
- یہ بھی پڑھیں:Demolition Drive in Ganderbal: گاندربل میں کئی ڈھانچے منہدم، کئی کنال سرکاری اراضی بازیاب
دریں اثناء پولیس نے ہسپتال میں داخل ہونے میں ہر طرح کی مدد اور تعاون فراہم کیا ہے اور اہل خانہ کو بہترین طبی علاج کی یقین دہانی کرائی ہے۔
پولیس کی ایک ٹیم پہلے ہی ہسپتال میں موجود ہے اور اس کے علاج کی سہولت فراہم کر رہی ہے۔ پولیس نے میڈیا اور عام لوگوں سے اس واقعے کے ویڈیو کو گردش کرنے سے گریز کرنے کی اپیل کی تاکہ امن وامان میں خلل نہ پڑے۔
