Umrah Groups Started from Kashmir: دو برس بعد کشمیر سے روانہ ہورہے عمرہ گروپس

ملک کی دیگر ریاستوں اور یوٹیز کے ساتھ ساتھ جموں وکشمیر میں بھی رجسٹرڈ نجی ٹور اینڈ ٹراویل آپریٹرز نے عمرہ سروس دوبارہ شروع کی Umrah Groups Started from Kashmir ہیں۔ گزشتہ ماہ جنوری سے کشمیر سے چند گروپ عمرہ کے لیے روانہ ہوئے ہیں جب کہ مزید گروپ آنے والے دنوں میں مدینہ منورہ اور مکہ مکرمہ کے لیے روانہ ہورہے ہیں۔

عالمی وبا کورونا وائرس میں کمی کے ساتھ ہی دنیا بھر جہاں کورونا پابندیوں کو ہٹا دیا گیا وہیں عمرہ سروسز کو بھی شروع کیا گیا ہے۔ ملک کی دیگر ریاستوں اور یوٹیز کے ساتھ ساتھ جموں وکشمیر میں بھی رجسٹرڈ نجی ٹور اینڈ ٹراویل آپریٹرز نے عمرہ سروس دوبارہ شروع کی ہیں۔ گزشتہ ماہ جنوری سے یہاں چند گروپ عمرہ کے لیے روانہ کیے گئے ہیں جب کہ مزید گروپ آنے والے دنوں میں مدینہ منورہ اور مکہ مکرمہ کے لیے روانہ ہورہے ہیں۔

نجی ٹور آپریٹرز کی جانب سے عمرہ جانے سے قبل تربیتی پروگراموں کا اہتمام کیا جارہا Training programs for Umrah Pilgrims ہے۔اسی کٹری کے تحت سرینگر کے ایک نجی ہوٹل میں ایک تربیتی پروگرام کا انعقاد عمل میں لایا گیا۔ جس میں زائرین کو عمرہ کے فرائص و واجبات کی مکمل جانکاری دی گئی۔ وہیں مکہ اور مدینہ میں کس طرح نمازوں اور دیگر عبادات کو بجا لانا ہے اس پر بھی زائرین کو مفصل جانکاری دی گئی۔

اس موقع پر مولانا عبدالمجید ڈار المدنی نے کہا کہ اگرچہ ہر ایک شخص آج کل کے دور میں بیرون ممالک سفر کی جانکاری اور واقفیت رکھتا ہے لیکن آقائے نام دار حضرت محمدﷺ کے شہر میں جانا کوئی عام بات نہیں ہے ایسے میں وہاں جانے والے ہر ایک فرد کو اس خاص شہر کے آداب و اصول کی تربیت اور جانکاری ہونا بے حد ضروری ہے، تاکہ زائرین مکہ اور مدینہ میں اپنی عبادات قرآن و سنت کے مطابق انجام دے سکیں اور اللہ تعالیٰ کے حضور وہ عبادت و ریاضت قبول ہو۔

ادھر ٹور اینڈ ٹراویل ایسوسی ایشن کے جنرل سیکرٹری نے کہا کہ دو برس کے بعد عمرہ سروس شروع کی گئی ہے اور اب تک چند گروپس عمرہ کے لیے روانہ ہوچکے ہیں اور آنے والے دنوں میں مزید گروپس روانہ ہورہے ہیں۔

انہوں نے کہا کہ کورونا کے رہنما خطوط، ٹیکہ کاری اور دیگر گائڈ لائنز کو مدنظر رکھ کر ہی عمرہ گروپس کو روانہ کیا جارہا ہے تاکہ انہیں کسی قسم کی دشواری کا سامنا نہ کرنا پڑے۔

امسال جموں و کشمیر اور لداخ یوٹی کے 11 ہزار عازمین نے مجوعی طور حج 2022 کے لیے رجسٹریشن کروائی ہے۔ دنیا بھر میں کورونا وبا کی پہلی اور دوسری لہر کے باعث مملکت سعودی عرب نے مسلسل دو برسوں میں بیرون ملک مقیم عازمین حج پر پابندی عائد کر دی تھی۔

سعودی عرب کی طرف سے امسال حج 2022 کے حوالے سے منظوری کے بعد دنیا بھر میں کورونا کے معاملات میں کمی کے ساتھہ ہی رجسٹریشن کا عمل جموں و کشمیر اور لداخ یوٹی میں نومبر سے شروع ہوکر رواں ماہ فروری کی 15 تاریخ کو اختتام پذیر ہوا۔

• واضح رہے کہ عمرہ کو حج اصغر بھی کہا جاتا ہے۔ حج اسلام کا پانچواں رکن ہے جسے اللہ تعالیٰ نے ہر صاحب استطاعت عاقل بالغ تندرست مسلمان مرد اور عورت پر زندگی میں ایک دفعہ فرض قرار دیا ہے جب کہ عمرہ، صاحب استطاعت مسلمان کو زندگی میں ایک دفعہ کرنا سنت موکدہ ہے۔ عمرہ کے لغوی معنی زیارت کے ہیں۔