ترال: ٹریکٹر الٹنے سے تین افراد زخمی

جنوبی کشمیر کے سب ضلع ترال میں آج شام ایک ٹریکٹر الٹنے سے تین افراد زخمی ہوگئے ہیں۔

تفصیلات کے مطابق ترال سے آٹھ کلومیٹر دور واگڈ ترال میں ایک ٹریکٹر ڈرائیور کے قابو سے باہر ہوکر پلٹ گیا۔ جس کی وجہ سے ٹریکٹر پر سوار تین افراد زخمی ہوئے ہیں۔

زخمیوں کو طبی امداد کے لیے سب ڈسٹرکٹ اسپتال ترال منتقل کیا گیا ہے، جہاں ان کی حالت خطرے سے باہر بتائی جارہی ہے۔

وہیں زخمیوں کی شناخت نعیم احمد، ثاقب احمد اور یاور مشتاق ساکنان پستونہ کے طور پر کی گئی ہے۔