اس ضمن میں ای ٹی وی بھارت کو معلوم ہوا ہے کہ 58 سالہ سب انسپکٹر جس کی شناخت اشوک کمار ساکن ہماچل پردیش کے بطور ہوئی ہے، نے نامعلوم وجوہات کی بنا پر خودکشی کر کے اپنی زندگی سے ہاتھ دھو بیٹھا۔
معلوم ہوا ہے کہ مذکورہ سب انسپکٹر کھریو علاقے میں تعینات تھا۔ ایس ایچ او کھریو ظہور احمد نے خبر کی تصدیق کرتے ہوئے بتایا کہ پولیس نے اس ضمن میں کیس درج کر کے تحقیقات شروع کردی ہے۔
واضح رہے کہ گزشتہ روز کانجی ناگ اونتی پورہ میں ایس ایس بی اہلکاروں کی گاڈی کے ساتھ حادثہ پیش آیا تھا جس میں چار جوان زخمی ہو گئے تھے۔
