'حادثاتی' طور نکلنے والی گولی سے ایس ایس بی اہلکار ہسپتال میں داخل

ریاست جموں و کشمیر کے گرمائی دارالحکومت سرینگر میں نیم فوجی دستے کا ایک اہلکار اپنی سروس رائفل سے حادثاتی طور نکلنے والی گولی سے بے ہوش ہوگیا۔

اطلاعات کے مطابق ایس ایس بی کی 36بٹالین سے وابستہ کے اوپان سنگھ نامی اہلکار سونہ وار علاقے میں ضلع ترقیاتی کمشنر، سرینگر کی رہائش گاہ کے باہر تعینات تھا۔ اچانک اُس کی سروس رائفل سے ’’حادثاتی‘‘ طور گولی چلی اور وہ بے ہوش ہو گیا۔

اہلکار کو فوری طور ہسپتال میں داخل کرایا جہاں پولیس نے اُس کی حالت مستحکم بتائی۔

پولیس تھانہ رام منشی باغ کے ایس ایچ او کے مطابق گولی اہلکار کو نہیں بلکہ دیوار میں لگی اور اہلکار بے ہوش ہو گیا۔