تقریب میں ریاست کے گورنر سیتہ پال ملک نے مہمان خصوصی کے طور شرکت کی جبکہ مرکزی وزراء پرکاش جاوڈیکر اور جتیندر سنگھ مہمان ذی وقار کے طور موجود رہیں، وہیں اس پرو گرام میں ریاستی انتظامیہ کے اعلی افسران کے علاوہ لوگوں کی کافی تعداد نے بھی شرکت کی۔
تقریب میں اطلاعات و نشریات کے وزیر پرکاش جاوڈیکر نے ڈی ڈی کاشر کے نئے پروما کا اور مرکزی وزیر جتندر سنگھ نے ڈوگری میں ڈی ڈی کاشر پر سٹلائٹ کے ذریعے نشر ہونے والے نئے ڈوگری بلیٹن کا افتتاح کیا ۔
اس موقعے پر ریاست کے دوردراز اور دشوار گزار علاقوں سے آئے ہوئے کئی افراد کو مفت ڈش سیٹ آف بکس بھی دیئے گئے ۔
تقریب پر کشمیری زبان میں جاری بچوں کا مشہور پپٹ شو گلی گلی سم سم کے اصل کرداروں نے حاضرین کے سامنے ایک مختصر پروگرام پیش کیا ۔
جبکہ اس تقریب کے دوران ایک رنگا رنگ تمدنی پروگرام بھی پیش کیے گئے ۔جس سے حاضرین کافی محظوظ ہوئے۔
تقریب کے تعلق سے پرساد بھارتی کے چیرمین، ریاست کے گورنر اور مرکزی وزراء نے اپنے اپنے خیالات کا اظہار بھی کیا
ڈی ڈی کاشر کو ہر گھر تک پہچانے کے لیے نئے اقدامات کا افتتاح کیا گیا۔
