Secretary Mining Visits Budgam بڈگام میں غیرقانونی کانکنی کو روکنے کیلئے سخت اقدام اٹھائے جائیں گے

محکمہ کانکنی کے سکریٹری امت شرما نے بڈگام ضلع کا دورہ کرکے نالہ دودھ گنگا، شالی گنگا اور دیگر مقامات کا جائزہ لیا۔ اس دوران انھوں نے عوام کو یقین دلایا کہ ضلع میں غیرقانونی کانکنی کو روکنے کے لیے مزید سخت اقدام اٹھائے جائیں گے۔ Secretary Mining visits Budgam

بڈگام: جموں و کشمیر کے ضلع بڈگام میں غیر قانونی طور ہو رہی زمین کا کٹاؤ اور نالوں سے ریت کی نکاسی کو روکنے کے لیے اب ڈرونز کا استعمال عمل میں لایا جائے گا۔ ان باتوں کا اظہار سکریٹری مائنگ امت شرما نے کیا۔ انہوں نے آج ضلع بڈگام کا دورہ کرکے نالہ دودھ گنگا، شالی گنگا اور دیگر مقامات کا جائزہ لیا۔Secretary Mining visits Budgam

صحافیوں سے بات کرتے ہوئے انہوں نے کہا کہ غیرقانونی کانکنی کو روکنے کے لیے مزید اقدامات کئے جارہے ہیں اور متعلقہ محکمہ کو ہدایت بھی دی گئی کہ اس کی طرف خصوصی توجہ دی جائے۔ وہیں ڈی سی بڈگام سید فخر الدین حامد نے کہا کہ غیرقانونی کانکنی کو برداشت نہیں کیا جائے گا اور اس میں ملوث افراد کے خلاف سخت قانونی کاروائی کی جائے گی۔