پونچھ میں فیصلے کے مد نظر کاروباری سرگرمیاں بند رہیں۔ بازار میں دوکانیں اور آمد و رفت بھی دھیما رہا۔
گزشتہ کئی برسوں سے بابری مسجد انہدام رام جنم بھومی تنازع کا کیس عدالت میں زیر التوا تھا۔ آخر کار سپریم کورٹ نے اس پر فیصلہ سنا ہی دیا۔
علاقے میں صبح سے ہی دفعہ 144 نافذ کر دیا گیا تھا، جس کے پیش نظر تمام تر تعلیمی ادارے مکمل طور بند کر دیے گئے تھے۔ سڑکوں پر گاڑیوں کی امدورفت معطل کر دی گئی ہے۔
کشمیر کے کئی علاقوں میں تار بچھا کر پورے علاقے کو سیل کر دیا گیا ہے۔ اس حوالے سے جب لوگوں سے بات کرنے کی کوشش کی تو ڈر کے مارے کسی نے کچھ بھی کہنے سے انکار کر دیا۔ ان کا کہنا تھا کہ وہ اپنے آپ کو بچانے کی کوشش کر رہے ہیں۔
برسوں پرانے بابری مسجد رام مندر اراضی تنازع کا آج فیصلہ ہوگیا۔ پانچ ججز کی بینچ نے متنازع زمین رام مندر کو دینے کا فیصلہ کیا اور مسجد کے لیے الگ سے 5 ایکڑ زمین دینے کا اعلان کیا۔