سعدیہ طارق کو 22 فروری سے ماسکو میں منعقد ہونے والی ماسکو ووشو اسٹارز چیمپئن شپ کے لیے ووشو ایسوسی ایشن آف انڈیا کی ٹیکنیکل کمیٹی نے شارٹ لسٹ کیا ہے۔Moscow Wushu Stars Championship
اس حوالے سے ای ٹی وی بھارت سے بات کرتے ہوئے اُن کے والد طارق احمد لون کا کہنا تھا کہ "میری بیٹی گزشتہ روز ماسکوکے لیے روانہ ہو چکی ہے۔ اس وقت وہ ہوائی جہاز میں ہونگی۔
اُن کا مزید کہنا تھا کہ "سعدیہ نے کافی محنت کی ہے اور پوری طرح سے تیار ہے۔ مجھے بھی اور اس کو شاندار کامیابی کی اُمید ہے۔
واضع رہے کہ سعدیہ طارق سرینگر شہر کی رہنے والی ہیں اور اس نے حال ہی میں لولی پروفیشنل یونیورسٹیLovely Professional University، جالندھر میں منعقدہ 20 ویں جونیئر نیشنل ووشو چیمپئن شپ میں گولڈ میڈل حاصل کیا تھا، جس میں جموں و کشمیر ووشو ٹیم نے تمغوں کی تعداد میں تیسری پوزیشن حاصل کی۔
ماسکو ووشو اسٹارز چیمپئن شپ SAI کے ACTC (سالانہ کیلنڈر ٹریننگ اور کمپیٹیشن) میں منظور شدہ ایونٹ ہے۔چیمپئن شپ میں بھارت کی جونیئر اور سینئر ٹیمیں حصہ لے رہی ہیں۔
وہیں، سکریٹری، جموں و کشمیر اسپورٹس کونسل نزہت گل نے سعدیہ کو ماسکو ووشو اسٹارز چیمپئن شپ کے لیے بھارتی ووشو ٹیم کا رکن بننے پر مبارکباد دی ہے اور چیمپئن شپ کے لیے ان کے لیے نیک خواہشات کا اظہار کیا ہے۔
انہوں نے ووشو ایسوسی ایشن آف جموں و کشمیر کو اس کھیل کو جموں و کشمیر کے ہر کونے کونے میں فروغ دینے اور ووشو کھلاڑیوں کو قومی اور بین الاقوامی میدانوں میں اپنی بہترین کارکردگی کا مظاہرہ کرنے کے لیے پلیٹ فارم فراہم کرنے پر بھی مبارکباد دی۔
