پولیس کے مطابق پکڑے گئے تمام افراد کا تعلق ضلع بڈگام سے ہے۔
ان باتوں کا اظہار ایس ایس پی سرینگر ڈاکٹر حسیب مغل نے سرینگر میں ایک پریس کانفرنس کے دوران کیا۔
انہوں نے کہا 'پکڑے گئے تین عسکریت پسندوں میں سے ایک اوجی ڈبیلو بھی شامل ہیں'۔
ایس پی ایس نے کہا 'ان تینوں افراد کو ضلع بڈگام کے واتھورہ گاؤں سے گرفتار کیا گیا ہے'۔
وہیں دوسری جانب گرفتار کیے گئے تینوں عسکریت پسندوں کو پریس کانفرنس کے دوران میڈیا کے سامنے پیش کیا گیا۔
ان کے قبضے سے ایک پستول ،گولیوں کے چند راؤنڈ اور کچھ دیگر سامان بھی برآمد کیا گیا ہے۔
ایس ایس پی سرینگر نے کہا 'چھانہ پورہ حملے کی تمام کڑیوں کو جوڑا جارہا ہے جس کے لیے مزید تحقیقات جارہی ہے'۔
آپ کو بتادیں کہ رواں ماہ کی 26 تاریخ کو چھانہ پورہ کے پولیس اسٹیشن پر عسکریت پسندوں نے حملہ کیا تھا جس میں فیروز احمد نامی ایک پولیس کانسٹبل زخمی ہوا تھا۔
