ریاض نائکو کی ہلاکت کے بعد بندشیں مزید سخت

انتظامیہ نے اس صورتحال کے دوران وادی میں مواصلاتی نظام جس میں انٹرنیٹ، ایس ایم ایس اور فون کالنگ خدمات شامل ہے معطل کر دیا ہے۔

جنوبی کشمیر کے ضلع پلوامہ کے بیگ پورہ گاؤں میں گزشتہ روز پیش آئے تصادم میں عسکریت پسند تنظیم حزب المجاہدین کے کمانڈر ریاض نائکو کی ہلاکت کے بعد وادی کشمیر میں دوسرے روز بھی کرفیو جیسی بندشیں نافذ کی گئی ہیں جبکہ مواصلاتی نظام بھی بند کیا گیا ہے۔

اس تصادم میں ریاض نائکو سمیت اس کا ساتھی بھی ہلاک ہوا تھا جس کے بعد جنوبی کشمیر اور سرینگر میں کئ علاقوں میں پتھراؤ کے واقعات رونما ہوئے جن میں متعدد افراد کے زخمی ہونے کی اطلاع ہے۔

انتظامیہ نے اس صورتحال کے بیچ وادی میں مواصلاتی نظام جس میں انٹرنیٹ، ایس ایم ایس اور فون کالنگ خدمات شامل ہے معطل کر دی ہے۔ اگرچہ جموں و کشمیر میں کووڈ 19 وبا کے پیش نظر گزشتہ 50 دنوں سے لاک ڈاؤن جاری ہے لیکن انتظامیہ نے بندشیں سخت ترین کر دی ہے۔

وہیں دوسری جانب کووڈ 19 کی وجہ سے 34 سالہ شخص کی سرینگر کے گورمنٹ میڈیکل کالج میں موت واقع ہوئی ہے جس سے وادی میں اس وبا کے تئیں مزید تشویش پیدا ہوئی ہے۔