کھریو تصادم میں دو عسکریت پسند ہلاک

گزشتہ شب سکیورٹی ایجنسیوں کو کھریو علاقہ میں دو سے تین عسکریت پسندوں کے چھپے ہونے کی اطلاع ملی تھی۔ سکیورٹی فورسز نے رات میں یہ آپریشن صبح تک روک دیا تھا لیکن سحری کے بعد دوبارہ شروع کردیا گیا۔

جموں وکشمیر میں منگل اور بدھ کی درمیانی شب میں کھریو پانپور کے شارشالی علاقے میں فوج اور عسکریت پسندوں کے درمیان فائرنگ کا تبادلہ ہوا، جس میں دو عسکریت پسند ہلاک ہو گئے۔

پولیس کے ایک عہدیدار نے بتایا کہ عسکریت پسندوں کی موجودگی کے بارے میں مخصوص اطلاع پر فوج کے 50 آرآر، سی آر پی ایف اور اونتی پورہ پولیس کی مشترکہ ٹیموں نے علاقے میں سرچ آپریشن چلایا۔انہوں نے بتایا کہ جب فورسز مشتبہ جگہ کی طرف گئے تو وہاں چھپے ہوئے عسکریت پسندوں نے فورسز پر فائرنگ کردی جس کے بعد فوج نے جوابی کاروائی شروع کردی۔بتایا جا رہا ہے کہ علاقہ میں دو سے تین عسکریت پسند موجود تھے۔ رات کے دوران یہ آپریشن صبح تک روک دیا گیا تھا اور سحری کے بعد دوبارہ شروع کیا گیا۔انکاؤنٹر کی جگہ کے آس پاس رہنے والے رہائشیوں کو محفوظ علاقوں میں منتقل کیا گیا ہے۔وہیں اس جھڑپ میں دو عسکریت پسند کے ہلاک ہونے کی اطلاع ملی ہے۔