اجیت ڈوال جموں و کشمیر کے دورے پر

بھارت کے قومی سلامتی کے مشیر اجیت ڈوال تازہ صورتحال کا جائزہ لینے کے لیے وادی کشمیر پہنچے ہیں۔

خبر رساں ایجنسی اے این آئی کے مطابق اجیت ڈوال جنوبی کشمیر کے ضلع شوپیاں پہنچے اور عام لوگوں سے بات چیت کی۔

ایجنسی کے مطابق اجیت ڈوال نے سکیورٹی فورسز کے جوانوں سے بھی ملاقات کی۔

بتا دیں کہ دفعہ 370 کے خاتمے کے بعد وادی کشمیر میں حالات کشیدہ بنے ہوئے ہیں، تمام علاقوں میں کرفیو جیسی پابندیاں نافذ کی گئی ہیں اور تمام مواصلاتی نظام بند بھی کر دیے گئے ہیں۔

حساس علاقوں میں اضافی فوج تعنیات کی گئی ہیں۔