جموں و کشمیر کے سرینگر میں آج محبوبہ مفتی نے ایک احتجاجی مظاہرہ کیا جس میں پارٹی کارکنوں کی بڑی تعداد نے شرکت کی۔ انہوں نے اس موقع پر حیدر پورہ انکاونٹر (Hyderpora encounter) کی عدالتی تحقیقات کا حکومت سے مطالبہ کیا، جس میں مبینہ طور پر تین عام شہری ہلاک ہوگئے تھے۔
سرینگر کے گپکار میں واقع اپنی رہائش گاہ سے راج بھون تک پیدل مارچ کرتے ہوئے سابق وزیراعلیٰ نے ’انکاونٹر میں ہلاک رامبن کے عامر ماگرے کی لاش کو ان کے لواحقین کے حوالہ کرنے اور تصادم میں عام شہریوں کی ہلاکت کی جوڈیشنل تحقیقات کرانے کا مطالبہ کیا۔
پی ڈی پی سربراہ نے کہا کہ ’حیدر پورہ انکاونٹر پر جموں و کشمیر کے لیفٹیننٹ گورنر منوج سنہا کو معافی مانگنی چاہئے جس میں تین عام شہریوں کو ہلاک کردیا گیا۔ انہوں نے ایل سے ہلاک شدہ افراد کے ارکان خاندان سے بھی ملاقات کرنے اور انہیں انصاف دینے کی التجا کی۔
