جموں و کشمیر ہائی کورٹ نے جنوبی کشمیر کے پلوامہ ضلع سے تعلق رکھنے والے دو افراد کی نظربندی کے احکامات کو کالعدم قرار دیا ہے جن کے خلاف گذشتہ سال مقدمہ درج کیا گیا تھا۔
جسٹس سنجیو کمار نے فیروز احمد پرے اور اشفاق احمد بھٹ کی حراست کو کالعدم کرتے ہوئے حکومت کو ہدایت دی کہ اگر کسی دوسرے معاملے میں ان کو گرفتار نہ کیا ہو تو انہیں فوری طور پر رہا کیا جائے۔
گذشتہ سال 25 ستمبر کو ڈسٹرکٹ مجسٹریٹ پلوامہ کے حکم سے پرے کو احتیاطی طور پر نظربند رکھا گیا، بھٹ کو 30 ستمبر کو حراست میں لیا گیا تھا۔
زیر حراست افراد نے حراستی احکامات کو الگ الگ درخواستوں میں چیلنج کیا تھا، جس کی عدالت نے اجازت دی۔
