ہمدانیہ کالونی کی سڑکیں قرون وسطی کی یاد دلاتی ہیں

مقامی لوگوں کا کہنا ہے کہ وہاں اندرونی سڑکیں پہلے ہی خستہ حالی کا شکار ہیں جن کی کافی عرصے سے کوئی مرمت نہیں کی گئی ہیں- ان کا کہنا ہے کہ انہوں نے پہلے بھی کئی دفعہ اعلیٰ حکام تک اس بات کو پہنچایا لیکن کسی نے بھی اس پر غور کرنے کی زحمت نہیں اٹھائی۔

سرینگر کے بمنہ علاقے میں سڑکوں کی ابتر حالت سے مقامی لوگوں کو روزانہ مشکلات کا سامنا کرنا پڑتا ہے- بمنہ سرینگر کی ہمدانیہ کالونی میں مقامی لوگ برسوں سے اندرونی سڑکوں اور کوچوں پر میگڈم نہ بچھانے سے سخت نالاں ہیں- ان کا کہنا ہے کہ علاقے کی اندرونی سڑکیں ابتر حالت میں ہیں جس کی وجہ سے عام لوگوں کو کافی دقتوں کا سامنا کرنا پڑ رہا ہے-

مقامی لوگوں نے کا ماننا ہے کہ موسم سرما قریب ہے اور ان دنوں اگر بارش یا برف ہوتی ہے تو یہ سڑکیں زیر آب آجاتی ہیں اور اس کی وجہ سے کیچڑ سے بھری ہوتی ہیں نتیجتاً انہیں نقل و حمل میں کافی مشکلات کا سامنا کرنا پڑتا ہے-

مذکورہ علاقے میں سڑکوں کی حالت پہلے سے ہی ابتر تھی تاہم پچھلی دفعہ ہوئی بارشوں کی وجہ سے وہ مزید خراب ہوگئی ہیں اور جگہ جگہ جو کھڈے ہیں ان میں پانی جمع ہونے کی وجہ سے مقامی لوگوں کا چلنا پھرنا دشوار ہوگیا ہے-مقامی لوگوں کا کہنا ہے کہ وہاں اندرونی سڑکیں پہلے ہی خستہ حالی کی شکار ہیں جن کی کافی عرصے سے کوئی مرمت نہیں کی گئی ہیں - ان کا کہنا ہے کہ انہوں نے پہلے بھی کئی دفعہ اعلیٰ حکام تک اس بات کو پہنچایا لیکن کسی نے بھی اس پر غور کرنے کی زحمت نہیں کی۔انہوں نے مطالبہ کیا ہے کہ علاقے میں اندرونی سڑکوں اور کوچوں پر میگڈم بچھانے کا عمل شروع کیا جائے وگرنہ پھر آگے انہیں سردیوں کے موسم میں مزید مشکلات کا سامنا کرنا پڑے گا۔