بیروت: حزب اللہ نے اسرائیل پر زبردست حملہ کیا ہے۔ ایران کی حمایت یافتہ حزب اللہ نے اسرائیل پر خودکش ڈرون اور میزائل حملے کیے ہیں، جس میں اسرائیلی فوج کے 4 آئی ڈی ایف فوجی ہلاک اور متعدد شدید زخمی ہو گئے ہیں۔
غور طلب ہے کہ حزب اللہ نے بنیامینہ میں فوجی اڈے پر حملہ کیا۔ اسرائیل پر حزب اللہ کے اس حملے کو اب تک کا سب سے مہلک حملہ قرار دیا جا رہا ہے۔ اسرائیل میں ہونے والے اس حملے میں اب تک 60 سے زائد افراد زخمی ہو چکے ہیں جن میں سے متعدد کی حالت انتہائی تشویشناک بتائی جاتی ہے۔
Yesterday, a UAV launched by the Hezbollah terrorist organization hit an army base.
— Israel Defense Forces (@IDF) October 13, 2024
4 IDF soldiers were killed in the incident.
The IDF shares in the grief of the bereaved families and will continue to accompany them.
We ask to refrain from spreading rumours and the names of…
حزب اللہ نے اسرائیلی شہر حیفہ کو نشانہ بناتے ہوئے تقریباً 25 راکٹ اور میزائل داغے۔ اسرائیلی میڈیا کے مطابق حملے سے قبل کوئی وارننگ سائرن نہیں دیا گیا تھا۔ اتوار کی رات بھی شمالی اسرائیل میں دھماکوں کی آوازیں سنی جاتی رہیں۔ واضح رہے کہ 7 اکتوبر 2023 کے بعد سے حزب اللہ نے اسرائیل پر اب تک کا سب سے بڑا حملہ کیا ہے۔ حزب اللہ کا کہنا ہے کہ انہوں نے بنیامینہ میں اسرائیلی فوج کے گولانی بریگیڈ کیمپ پر حملہ کیا ہے۔
اسرائیلی فوج آئی ڈی ایف کا کہنا ہے کہ حزب اللہ ایک اسکول اور اقوام متحدہ کی عمارت کے ارد گرد راکٹ داغ رہی ہے۔ 6 اکتوبر کو بھی حزب اللہ نے ایک اسکول سے 25 میٹر کے فاصلے پر راکٹ فائر کیے تھے۔ اسی طرح اقوام متحدہ کی عمارت سے 200 میٹر کے فاصلے سے راکٹ فائر کیے گئے جس میں آئی ڈی ایف کے دو فوجی مارے گئے۔ آئی ڈی ایف کو ہمارے لوگوں اور فوجیوں پر اس طرح کے حملوں کو روکنے کے لیے جنوبی لبنان میں کارروائیاں جاری رکھنا چاہیے۔
Near a school and a UN building—these are locations where Hezbollah chose to launch rockets.
— Israel Defense Forces (@IDF) October 13, 2024
On Oct. 6, three rockets were launched 25 meters from a school and 200 meters from a UN building, resulting in the death of two IDF soldiers.
The IDF must operate in southern Lebanon… pic.twitter.com/63C5xPQUWV
جاری کردہ ایک بیان میں حزب اللہ نے اس حملے کی ذمہ داری قبول کرتے ہوئے کہا ہے کہ ہم نے گولامی بریگیڈ کیمپ پر کئی ڈرون فائر کیے ہیں۔ آپ کو بتاتے چلیں کہ گولانی بریگیڈ دراصل اسرائیلی فوج کی پانچ انفنٹری بریگیڈز میں سے ایک ہے۔ یہ واقعہ صبح 9 بجے بالائی گلیلی، وسطی گلیلی، مغربی گلیلی، حیفہ اور کارمل کے علاقوں میں پیش آیا۔
