جموں و کشمیر انتظامیہ نے ایک حکمنامہ جاری کیا ہے جس کے مطابق سرکاری ملازمین کے حق میں 11 فیصد اضافی ڈے اے یا مہنگائی بھتے کی واگزاری کو منظوری دی گئی ہے۔ اب سرکاری ملازمین یکم جولائی 2021 سے 17 فیصد کے بجائے 28 فیصد کا ڈی اے حاصل کریں گے اور سرکاری ملازمین کو یہ جولائی کی تنخواہوں کے ساتھ واگزار کیا جائے گا۔
جموں و کشمیر میں 11 فیصد اضافی ڈے اے کا فائدہ پونے تین لاکھ سے زائد سرکاری ملازمین اور تقریباً ایک لاکھ کے پنشنرز کو ہوگا۔ اس حوالے سے جموں و کشمیر کے چیف سیکرٹری ارون کمار مہتا کی جانب سے باضابط طور ایک حکمنامہ جاری کیا گیا ہے۔
مزید پڑھیں:
گذشتہ ماہ 24 جولائی کو مرکزی حکومت نے یکم جنوری 2020 سے واجب الادا ڈی اے ملازمین اور پنشنرز کے حق میں اس برس جولائی سے واگزار کرنے کو منظوری دی تھی۔
