Shopian Municipal Corporation: شوپیان میونسپل کارپوریشن کی بے جا ٹیکس وصولی سے ڈرائیور پریشان

ضلع شوپیان کے شرمال گاؤں Shirmal Village میں میونسپل کارپوریشن شوپیان Shopian Municipal Corporation کی جانب سے گزشتہ کئی برسوں قبل انٹری پوائنٹ بنایا گیا تھا، جہاں ڈرائیوروں سے میونسپل کارپوریشن کے احاطے میں داخل ہونے پر 200 روپے ٹیکس وصول کیے جاتے تھے، لیکن اب گاڑیاں میونسپل کارپوریشن کے احاطے میں داخل ہی نہیں ہوتی ہیں اور ان سے ٹیکس وصول کرنا شروع کر دیا جاتا ہے۔

جنوبی کشمیر کے ضلع شوپیان Shopian District کے میونسپل کارپوریشن Shopian Municipal Corporation کی جانب سے بڑی گاڑیوں سے وصولی کا سلسلہ کئی برسوں سے جاری ہے، جس پر ٹرک ڈرائیوروں، سیول و سماجی جماعتوں نے غصہ کا اظہار کرتے ہوئے ضلع انتظامیہ شوپیان سے مداخلت کی اپیل کی ہے۔

ضلع شوپیان کے شرمال گاؤں میں میونسپل کارپوریشن شوپیان کی جانب سے گزشتہ کئی برسوں انٹری پوائنٹ Entry Point بنایا گیا ہے، جہاں ڈرائیوروں سے میونسپل کارپوریشن کے احاطے میں داخل ہونے پر 200 روپے وصول کیے جاتے ہیں، جبکہ گاڑیاں میونسپل کارپوریشن کے احاطے میں داخل ہی نہیں ہوتی ہیں کیونکہ اس انٹری پوانٹ سے ایک کلومیٹر دوری پر میونسپل کارپوریشن شوپیان کا احاطہ شروع ہوتا ہے۔جبکہ ان ڈرائیوروں کو لوٹنے کے لیے مونسپل کونسل شوپیان نے شرمال گاؤں میں ہی ٹیکس وصولنا شروع کیا ہے۔ اس تعلق سے ایک ڈرائیور محمد احسان نے بتایا کہ کچھ ہی میٹر کے فاصلے پر 500 روپے فیس دینی پڑتی ہے، جبکہ یہاں پارکنگ کے لیے بھی جگہ نہیں ہے۔ وہیں صدر ٹرانسپورٹ ایسوسیشن شوپیان شاہد احمد نے بتایا کہ انہوں نے کافی بار اس مسلئہ کو اعلیٰ حکام تک پہنچایا ہے، تاہم کوئی کاروائی نہیں کی گئی۔ انہوں نے مزید بتایا کہ ڈرائیوروں کافی پریشانیوں کا سامنا ہے۔ ایک تو کووڈ 19 اور لاک ڈاؤن کی وجہ سے ڈرائیور پریشان ہیں مزید سرکار کی جانب سے انہیں لوٹا جارہا ہے۔

ڈی ڈی سی ممبر راجہ وحید نے افسوس کا اظہار کرتے ہوئے ضلع انتظامیہ سے اس معاملے میں مداخلت کی اپیل کی ہے۔ ایکزیکٹیو افسر میونسپل کارپوریشن شوپیان سہیل احمد ملک نے بتایا کہ گزشتہ 7 سال قبل انتظامیہ نے یہ فیصلہ ٹریفک جام کو مد نظر رکھتے ہوئے لیا تھا،ایک دو ماہ کے اندر میں اس انٹری پوائنٹ کو ہٹایا جائے گا، ضلع انتظامیہ شوپیان ہمیشہ لوگوں کے ساتھ کھڑی ہے۔
وہیں شکیل شان تحصیلدار کیگام نے بتایا کہ ہم نے میونسپل کارپوریشن شوپیان کو اس بارے آگاہ کیا ہے ساتھ ہی ضلع انتظامیہ شوپیان نے اس بارے میں ایک میٹنگ بھی کی ہے اور جلدہی اس انٹری پوائنٹ (چنگی) کو ہٹایا جائے گا، انہوں نے مزید بتایا کہ ضلع انتظامیہ ایسا کچھ بھی برداشت نہیں کریےگی جس سے لوگوں کو مشکلات کا سامنا کرنا پڑے۔