لینڈ ریکارڈ ماڈرنائزیشن پروگرام (ایل آر ایم پی) کے ڈائریکٹر محمد حافظ نے جموں وکشمیر کے ضلع پلوامہ کا دورہ کیا اور لینڈ ریکارڈ انفارمیشن سسٹم (ایل آر آئی ایس) میں شفافیت اور کارکردگی لانے کے لیے ریونیو افسران کو ہدایت دی۔
اس موقع پر افسران نے لوگوں سے کہا کہ 'وہ حال ہی میں لیفٹیننٹ گورنر کے ذریعہ شروع کیے گئے 'آپ کی زمین، آپ کی نگرانی' لینڈ ریکارڈز انفارمیشن سسٹم سے فائدہ اٹھائیں۔'
انہوں نے کہا کہ 'صارفین اپنے زمینی ریکارڈ کے اسکین شدہ ڈیٹا کی کاپیاں آن لائن CIS Portalhttp://landrecords.jk.gov.in/ پر تلاش اور دیکھ سکتے ہیں۔'
اس پروگرام کے اہم اجزاء میں زمین کے ریکارڈ کی کمپیوٹرائزیشن اور ڈیجیٹلائزیشن، سروے/ریسروے اور تمام سروے اور سیٹلمنٹ ریکارڈز کی اپڈیٹیشن، زمینی ریکارڈ کے ساتھ جائیداد کے رجسٹریشن کا انضمام اور ڈیٹا کی صداقت اور حفاظت کو بڑھانے کے لیے کیڈسٹرل نقشے، نظام میں انتہائی شفافیت لانا شامل ہیں۔
اپنے خطاب میں ڈائریکٹر نے متعلقہ افسران پر زور دیا کہ 'وہ پورے ضلع میں ایک بھرپور IEC مہم شروع کریں تاکہ ضلع کا ہر فرد ڈیجیٹل انڈیا لینڈ ریکارڈ ماڈرنائزیشن پروگرام کے بارے میں جان سکے۔'
انہوں نے کہا کہ اس پروگرام کا واحد مقصد ریونیو ریکارڈز کو قابل رسائی کے علاوہ درست اور شفاف بنانا ہے اور یہ ڈیجیٹل انڈیا لینڈ ریکارڈ ماڈرنائزیشن پروگرام (DILRMP) کے تحت حکومت کی ایک منفرد پہل ہے اور ضلع نے اس میں ایک اہم سنگ میل حاصل کیا ہے تاکہ سب سے زیادہ شفافیت فراہم کی جاسکے۔'
محمد حافظ نے کہا کہ 'اس اقدام کا مقصد لینڈ ریکارڈ سسٹم تک آسان آن لائن رسائی کی سہولت فراہم کرنا ہے، اس طرح لینڈ ریکارڈ میں ہیرا پھیری کو کم کرنے کے علاوہ ریونیو دفاتر کی کارکردگی میں خاطر خواہ بہتری لانا ہے۔'
