'ہم جے ای ہی ریٹایر ہوتے ہیں'

مختلف محکمہ جات میں برسوں سے کام کر رہے ڈپلومہ ہولڈر جونیئر انجینئرز کا کہنا ہے کہ سرکار کی عدم توجہی اور غیر سنجیدگی کی وجہ سے انکی ترقی پر کوئی غور نہیں کیا جا رہا ہے۔

سرینگر میں ایک پریس کانفرنس سے خطاب کرتے ہوئے جونیئر انجینئرز ایسو سی ایسن کے صدر آفاق چستی نے کہا کہ ریاست کے مختلف محکموں میں کئی دہائیوں سے کام کر رہے ہزاروں جونئیر انجینئرز اپنی ترقی کیلئے ترس رہے ہیں۔

انہوں نے کہا کہ وہ جونیئر انجینئر تعینات ہوتے ہیں اور جونیئر انجینئر ہی سبکدوش ہوتے ہیں۔

انہوں نے کہا کہ انکی انجمن سرکار کے پاس اپنے مطالبات لے کر کئی بار گئی ہے لیکن انہوں نے ان کیطرف ’’غیر سنجیدگی کا مظاہرہ کیا۔‘‘

انہوں نے ریاستی گورنر سے گزارش کی کہ وہ انکے جائز مطالبات پر سنجیدگی سے غور کریں۔