شوپیان کے تلرن علاقے میں سرچ آپریشن جاری

سیکیورٹی فورسز اہلکاروں نے مشترکہ طور پر شوپیان ضلع کے تلرن امام صاحب علاقے کو محاصرے میں لیکر تلاشی آپریشن شروع کیا ہے۔

فوج کی 34 راشٹریہ رائفلز سی آر پی ایف کی 178 بٹالین اور جموں و کشمیر پولیس نے مشترکہ طور پر جنوبی کشمیر کے شوپیان ضلع کے تلرن امام صاحب علاقے کو عسکریت پسندوں کی موجودگی کی خفیہ اطلاع ملنے پر محاصرے میں لے کر گھر گھر تلاشی آپریشن شروع کیا ہے۔

شوپیان کے تلرن علاقے میں سرچ آپریشن جاری

مقامی لوگوں کے مطابق سیکیورٹی فورسز نے علاقے کے داخلی اور خارجی راستوں پر پہرے بٹھا کر گاؤں میں تلاشی آپریشن شروع کردیا ہے۔ذرائع کے مطابق فورسز اہلکاروں کو علاقے میں دو سے تین عسکریت پسندوں کے چھپے ہونے کی خبریں موصول ہوئی ہے جس کے سبب علاقے میں بڑے پیمانے پر تلاشی آپریشن جاری ہے۔