سرکاری اسکولوں کا نام فوت شدہ نامور افراد کے نام پر رکھنے کی کمیٹی تشکیل

جموں وکشمیر انتظامیہ نے سرکاری اسکولوں، کالجوں اور شہراہوں کا نام نامور شخصیات اور فوت شدہ فورسز اور پولیس و فوجی اہلکاروں کے ناموں پر رکھنے کے لئے انتظامیہ سیکرٹری داخلہ کی سربراہی میں قائم کمیٹی کی از سر نو تشکیل دینے کی منظوری دی ہے۔

جموں وکشمیر انتظامیہ نے منگل کے روز جاری کردہ ایک حکم نامے میں کہا ہے کہ سڑکوں، سرکاری عمارتوں، اسکولوں اور کالجوں کا نام رکھنے اور مجسموں کو نصب کرنے میں سفارشات اور تجاویز پیش کرنے والی کمیٹی کا قیام عمل میں لایا گیا۔

آڈر

عمومی انتظامی محکمے کی جانب سے جاری حکم نامے میں کہا گیا کہ 8 رکنی کمیٹی کی کمان انتظامی سیکرٹری محکمۂ داخلہ کو دی گئی ہے جب کہ کمیٹی میں محکمۂ دیہی ترقی و پنچایتی راج کی انتظامی سیکرٹری، شہری ترقی و امکانات کے انتظامی سیکرٹری، پولیس کے سی آئی ڈی شعبے کے اسپیشل ڈائریکٹر جنرل، انتظامی سیکرٹری، محکمۂ ثقافت کے انتظامی سیکرٹری اور صوبائی کمشنر جموں اور کشمیر کو اس میں شامل کیا گیا ہے۔ جب کہ یہ کمیٹی جنرل ایڈمنسٹریشن ڈیپارٹمنٹ کمیٹی کے ماتحت کام کرے گی اور انتظامیی کونسل کے حتمی فیصلے کے لیے اپنی سفارشات حکومت کو پیش کرے گی۔

ادھر اگست کے پہلے ہفتے میں ہی صوبائی کمشنر جموں نے تمام ضلع ترقیاتی کمشنران کے نام مکتوب روانہ کیا ہے جس میں انہیں ان اسکولوں کی نشاندہی کرنے کی ہدایت دی گئی ہے جن کے نام ڈیوٹی کے دوران فوت ہوئے فورسز اور پولیس اہلکاروں کے علاوہ نامور شخصیات کے ناموں پر رکھے جاسکتے ہیں۔