سرینگر: کشمیر محکمہ صحت کے ڈائریکٹر نے اپنے تمام چیف میڈیکل، بلاک میڈیکل افسران اور میڈیکل سپر اٹنڈنس کو ہدایت جاری کی ہے کہ وہ تمام طبی اداروں میں بائیو میٹرک حاضری کو یقینی بنائیں اور اس حوالے فوری اپنی رپوٹ بھی پیش کریں۔ Biometric Attendance
جاری کردہ سرکولر کے مطابق تمام سرکاری طبی اداروں کو ہدایت دی گئی تھی کہ اپنے اداروں میں فورا بائیو میٹرک سسٹم نصب کر کے ملازمین کی حاضری کو یقینی بنائیں۔ تاہم اس تعلق سے طبی اداروں کا ردعمل کافی مایوس کن رہا۔ ایسے میں اب تمام چیف میڈیکل، زونل افسران اور میڈیکل سپر اٹنڈنٹس کو ہدایت دی گئی ہے کہ وہ اپنے طبی اداروں میں بائیو میٹرک حاضری یقینی بنانے کے لیے ٹھوس اقدامات اٹھائیں۔ سرکولر میں مزید کہا گیا ہے کہ حکم نامے کو سنجیدگی سے لیا جائے بصورت دیگر کارروائی کی جائے گی۔
