سھارنپور کے دیوبند علاقہ میں کورونا وائرس کی وجہ سے گزشتہ چھہ ماہ سے زائد وقت سے بند عالمی شہرت یافتہ ادارہ دارالعلوم دیوبند کی مجلس شوری کی تین روزہ میٹنگ کل سے شروع ہو رہی ہے۔ یہ مٹنگ ادارہ کے سالانہ بجٹ کے لئے طلب کی گئی ہے، لیکن امکان ظاہر کیا جا رہا ہے کہ میٹنگ میں تعلیم شروع کرنے اور ادارے میں خالی چل رہے عہدوں کو بھرنے کے لئے عملی جامہ پہنایا جا سکتا ہے۔
کرونا وائرس کی وجہ سے ادارہ 20 مارچ سے بند ہے۔ اجلاس میں ملک بھر سے شوری کے ارکان حصہ لیں گے۔ میٹنگ میں گزشتہ چھہ ماہ سے زائد وقت سے بند ادارہ کو دوبارہ سے شروع کرنے کے لئے تبادلہ خیال کیا جا سکتا ہے۔ میٹنگ میں خالی چل رہے اہم عہدوں خاص کر صدر مدرس، اور شیخ الحدیث کے عہدوں کو لے کر تبادلہ خیال کیا جا سکتا ہے۔ میٹنگ میں حکومت کی جانب سے 19 اکتوبر سے اسکول کھولے جانے کی اجازت ملنے کے بعد دارالعلوم کھولنے کو لے کر تبادلہ خیال کیا جا سکتا ہے۔ ملک بھر پھیلے طلبہ کی نظریں اس مٹنگ پر لگی ہوئی ہیں۔
یہ بھی پڑھیں: بجبہاڑہ: چینی وڈر کے دکاندار بے روزگار، انتظامیہ کی مدد کے منتظر
اس سلسلے میں دارالعلوم کے مہتمیم مفتی ابوالقاسم نعمانی نے بتایا کہ تین روزہ میٹنگ میں سالانہ بجٹ منظور کیا جائے گا۔ انہوں نے کہا کہ کورونا وائرس کی وجہ سے اپریل ماہ میں ہونے والی شوری کو منسوخ کردیا تھا۔ اب کورونا وائرس کی حالات کنٹرول میں ہے، اس لئے کل سے تین روزہ میٹنگ کا انعقاد کیا جا رہا ہے۔
