ریاست اترپردیش کے ضلع سہارنپور میں منڈی پولیس نے مویشیوں کو زہر دے کر مارنے والے گروہ کا پردہ فاش کرتے ہوئے آٹھ ملزموں کو گرفتار کیا ہے۔
ذرائع کے مطابق گزشتہ چند ماہ سے مختلف مقامات پر مویشیوں کی مسلسل موت کی خبر آرہی تھی، لیکن ان اموات کی وجوہات کا علم نہیں ہورہا تھا۔
جس کی وجہ سے ضلع انتظامیہ نے ایک ٹیم تشکیل دے کر جانوروں کی اموات کی وجہ تلاش کرنے کی ہدایت دی تھی، جس کے بعد پولیس مستعد ہوگئی اور زہر خورانی گروہ کی تلاش شروع کردی۔
جس کے تحت آج تھانہ منڈی پولیس کو بڑی کامیابی ملی ہے، پولیس نے مخبر کی اطلاع پر آٹھ ملزموں کو گرفتار کیا ہے، ساتھ ان کے پاس سے مختلف جانوروں کا گوشت بھی برآمد کیا۔
بتایا جاتا ہے کہ مذکورہ ملزمان جانوروں کو زہر دے کر مار دیتے تھے اور بعد میں ان کا گوشت جمع کرکے فروخت کرتے تھے، پولیس نے تمام ملزموں کے خلاف مقدمہ قائم کرکے انہیں جیل بھیج دیا۔
