لڑکی کے اہل خانہ نے وجے واڑہ میں لڑکی کی گم شدگی کا معاملہ درج کرایا ہوا تھا اور موبائل لوکیشن کی بنیاد پر آندھرا پولیس سہارنپور تک پہنچی اور دونوں ملزمین کو گرفتار کرلیا۔
لڑکی کی لاش کی تلاش میں آندھرا پردیش پولیس ملزم واصف کے ساتھ ہتھنی کنڈ بیراج پر پہنچی۔ پولیس نے غوطہ خوروں اور مچھواروں کی مدد سے کئی روز کے سرچ آپریشن کے بعد تسلیمہ کی لاش کو تلاش کرلیا، جس کے بعد لاش کو اہل خانہ کی موجودگی میں پوسٹ مارٹم کے لئے بھیج دیا۔
لاش ملنے کے موقع پر بڑی تعداد میں علاقہ کے لوگوں کا ہجوم ہتھنی کنڈ پر لگ گیا تھا، آندھرا پردیش پولیس دونوں ملزمین کو ساتھ لیکر چلی گئی ہے۔
سخت محنت کے بعد برآمد ہوئی لڑکی کی لاش !
ایس پی سٹی راجیش کمار نے کہا کہ سہارنپور پولیس نے قتل کا معمہ حل کرنے میں آندھرا پردیش پولیس کے ساتھ تعاون کیا ہے۔ ہتھنی کنڈ پولیس چوکی انچارج دیپک کمار، تھانہ منڈی سب انسپکٹر جتیندر کمار تیاگی، ہیڈ کانسٹیبل دلشاد احمد، وجے ویر اور رابن ڈھاکہ سمیت پولیس کے جوان مسلسل معاملہ کی تہہ تک پہنچنے کے لئے کوشاں رہے اور آندھرا پولیس کی مدد کی۔
مزید پڑھیں:تلنگانہ: رئیل اسٹیٹ تاجر کا اغوا، ملزمین گرفتار
لیکن ہماری ٹیم جب ملزم کے علاقے میں پہنچی تو علاقے کے لوگوں نے کیمرے کے سامنے بات کرنے سے انکار کردیا، حالانکہ کسی آدمی نے بتایا کہ یہ شخص تعویذ گنڈے کا کام کرتا تھا، حالانکہ کچھ لوگوں کا یہ بھی کہنا تھا کہ یہ چندہ اور تعویذ گنڈہ کا کام کرتا تھا اور مسلسل آندھرا پردیش وغیرہ میں جاتا رہتا تھا۔
