کورنٹین سینٹر سے واپس آنے کے بعد نسیم قریشی نے بتایا کہ میری اہلیہ کی رپورٹ میں کورونا کی تصدیق ہونے کے بعد میرے پورے کنبہ کو کورنٹین کر دیا گیا تھا۔
انہوں نے مزید کہا کہ انہیں کسی قسم کی کوئی پریشانی نہیں ہوئی لیکن اہلیہ کی وجہ سے پریشانی ھو رہی تھی کیونکہ انکو کورونا پازیٹیو ہونے کے سبب فتح پور بھیج دیا گیا تھا اور ہم لوگوں کو دیوبند میں ہی کورنٹین کیا گیا تھا۔ ہمیں یہاں پر کوئی پریشانی نہیں ہوئی بلکہ گھر آنے کے بعد اچھا محسوس ہو رہا ہے۔
کورنٹین سینٹر سے واپس آنے کے بعد طارق قریشی نے بتایا کہ ہمیں جہاں پر کورنٹین کیا گیا تھا وہاں پر ہمیں کسی قسم کی کوئی پریشانی نہیں ہوئی اور گھر واپس آنے کے بعد اچھا محسوس کر رہا ہوں۔
واضح رہے کہ حاجی نسیم کی اہلیہ کی رپورٹ میں کورونا وائرس کی تصدیق ہونے کے بعد گھر کے تمام افراد کو دیوبند میں ہی بنائے گئے کورنٹین سینٹر میں کورنٹین کردیا گیا تھا جبکہ کورونا متأثرہ مریض کو فتح پور علاج کے لیے بھیج دیا گیا تھا۔
