جھارکھنڈ کی راجدھانی رانچی کے رہنے والے عبدالستار چودھری گزشتہ 43 سالوں سے قومی پرچم تیار کر رہے ہیں۔ یوم جمہوریہ ہو یا یوم آزادی، رانچی اور اس کے آس پاس کے علاقوں کے لوگ ان کے دکان سے قومی پرچم خرید کے لے جاتے ہیں۔ اس دکان کی پہنچان ہی الگ ہے کیونکہ عبدالستار چودھری پرچم بنانے اور اسے فروخت علاوہ لوگوں کو پرچم کی اہمیت کے بارے میں بتاتے ہیں۔
رانچی میں یوم آزادی جشن کے ساتھ منائی گئی۔ اس جشن میں چار چاند لگا رہے ہیں دارالحکومت رانچی کے رہنے والے عبدالستار چودھری، جو بازار میں پوستک پتھ کے نزدیک اپنی ترنگے کی ایک دکان چلاتے ہیں۔ اس کام میں ان کے گھر والے بھی ساتھ دیتے ہیں۔
ان کا کہنا ہے کہ چار ماہ پہلے سے ہی وہ ترنگا بنانے میں لگ جاتے ہیں تاکہ لوگوں کو ملک کی شان پرچم آسانی سے مہیا ہو سکے۔ لیکن کورونا کی وجہ سے گزشتہ ایک سال سے حالات کچھ اور ہے۔
عبدالستار بتاتے ہیں کہ کورونا کی وجہ سے اس بار منافع نہ کے برابر ہے۔ اس کے باوجود گھر کے لوگ اس کام میں ساتھ دیتے ہیں۔ عبدالستار کے مطابق 43 سالوں سے ان کا کنبہ اس کام میں لگا ہوا ہے۔
مزید پڑھیں: حسرت موہانی ایک سچے مسلمان اور سچے محبِّ وطن تھے: مولانا شہاب الدین
چودھری کہتے ہیں کہ آج تک یہاں کے لوگوں نے مذہبی اتحاد کا ثبوت دیا ہے۔ اس قومی تہوار میں سبھی لوگ شامل ہوتے ہیں۔ ترنگے کی شان میں کوئی مذہب نہیں آتا۔ یہی وجہ ہے کہ قومی تہوار کو لوگ بڑے ہی تزک و احتشام کے ساتھ مناتے ہیں۔ نمائندہ سے بات کرتے ہوئے وہ کہتے ہیں’’ سارے جہاں سے اچھا ہندوستاں ہمارا، ہم بلبلے ہیں اس کی یہ گلستاں ہمار، مذہب نہیں سیکھاتا آپس میں بیر رکھنا، ہندی ہے ہم وطن ہے ہندوستاں ہمارا۔
وہ مزید کہتے ہیں کہ اس دن کو ہم اور ہمارے کنبہ کے لوگ عید کی طرح مناتے ہیں۔ جب تک میں زندہ ہوں، اس کام کو کرتا رہوں گا۔
