رامبن: جنرل ریزرو انجینئرنگ فورس (جی آر ای ایف) کی 52 روڈ کنسٹرکشن کمپنی (آر سی سی)، بیکن نے رامبن میترا نالہ پر اپ گریڈ شدہ بیلی پُل کو 30 گھنٹے میں جنگی پیمانے پر مکمل کیا ہے۔ تجدید شدہ پُل کو آج دوپہر 2 بجے عوام کے لیے کھول دیا گیا۔Upgraded Bailey bridge in ramban
آفیسر کمانڈنگ جی آر ای ایف 52 آر سی سی کمار گوتم کے مطابق قومی شاہراہ کی پرانی الائنمنٹ پر اس پل کی بوجھ اٹھانے کی صلاحیت 30 ٹن سے بڑھا کر 70 ٹن کر دی گئی ہے۔ اس پر کام ہفتہ کی صبح ساڑھے سات بجے شروع ہوا اور آج دوپہر دو بجے مکمل ہوا۔ انہوں نے پُل کے کچھ اسپیئر پارٹس فراہم کرنے کے لیے کونکن ریلوے کارپوریشن لمیٹیڈ کا شکریہ ادا کیا۔ سیکنڈ ان کمانڈ جی آر ای ایف 52 آر سی سی آر کے ورما نے کیپٹن نشیتھ پالیوال کے ساتھ او سی ایس کمار گوتم کی مجموعی کمان کے تحت پروجیکٹ کی نگرانی کی تھی۔
انہوں نے کہا کہ چونکہ تمام بھاری مشینری کو لے جانے والی بھاری گاڑیاں اس پُل کے اوپر سے گزرتی ہیں اس کے استعمال کے لیے جاری قومی پروجیکٹس جیسے ادھم پور-سرینگر-بارہمولہ-ریلوے لنک (یو ایس بی آر ایل)، 1850 ساولکوٹ ہائیڈل پاؤر پروجیکٹ اور جپسم مائنز کے علاوہ گول سب ڈویڑن کے راستہ بھی اسی پُل سے گزرتا ہے، اس لیے اس کی توسیع کرنا ضروری ہو گیا تھا۔ اس سے قبل جی آر ای ایف نے صرف پندرہ دن پہلے کونسی نالہ کے اوپر اسی سڑک پر دو دنوں میں ایک نئے بیلی پل کا آغاز کیا تھا۔
مزید پڑھیں:
ایک مقامی ریٹائرڈ انجینئر محمد ایوب نے کہا کہ یہ واقعی ایک بڑی کامیابی ہے کہ GREF نے مقامی لوگوں کے ساتھ ساتھ مسافروں کو زیادہ پریشانی کے بغیر 30 گھنٹوں کے اندر اس اہم پل کو دوبارہ شروع کیا۔
