کشتواڑ سڑک حادثہ میں ٹرک ڈرائیور ہلاک

سرحدی ضلع کشتواڑ کے بٹوٹ میں ایک مال بردار ٹرک ملہوری نالہ میں حادثہ کا شکار ہوئی، جس کے نتیجہ میں ٹرک ڈرائیور ہلاک ہوا ہے۔

اطلاعات کے مطابق کشتواڑ قومی شاہراہ پر ملہوری نالہ کے مقام پر ایک مال برادار ٹرک حادثے کا شکار ہو گئی۔ تفصیلات کے مطابق ٹرک زیر نمبر (JK02CC-7604) جموں سے ٹھاٹھری کی طرف جا رہی تھی، اسی بیچ ملہوری نالہ کے نزدیک ٹرک ڈرائیور کے قابو سے باہر ہو کر گہری کھائی میں جا گری۔

حادثہ کی خبر ملتے ہی فوج کی ریسکو ٹیم نے ڈرائیور کو علاج معالجہ کے لیے میڈیکل کالج ڈوڈہ منتقل کیا، جہاں وہ زخموں کی تاب نہ لاکر چل بسا۔ حادثہ میں جاں بحق ڈرائیور کی شناخت سمیر احمد ساکن شیوا کے طور پر ہوئی ہے۔