ان دکانوں میں حلوائی ، ڈھابہ اور ریسٹورنٹ کے علاوہ ریڑھی پٹری والے بھی کام کرتے تھے جو اب بے یارو مدد گار اپنے اپنے گھروں میں پڑے ہیں لیکن ان کا پرسان حال کوئی بھی نہیں ہے۔
وہیں ضلع رام بن کے بیچوں بیچ جموں سرینگر قومی شاہراہ کے آس پاس سیکڑوں دکانیں موجود تھیں، جن میں خاص کر مالپورے بنائے جاتے تھے جو کہ ریاست میں آنے والے سیاحوں کو کافی پسند تھا لیکن جب سے فور لائن سڑک کی تعمیر کا آغاز ہوا ہے ان ڈھابوں کو آہستہ آہستہ منہدم کر دیا گیا جو بے روزگاری پیدا کر رہا ہے۔
وہیں ریاستی اور مرکزی حکومتیں الگ الگ سرکلرنکال کر نوکریوں پر پابندی عائد کر دی ہے، وہیں موجودہ وزیر اعظم نے ایک انٹرویو کے دوران کہا تھا کہ تعلیم یافتہ نو جوانوں کو چاہئے کہ وہ روزگار کمانے کے لیے پکوڑے بیچیں لیکن یہاں پراس کابالکل برعکس ہو رہا ہے۔
بے روزگار نوجوانوں کا کہنا ہے کہ اگر نوجوان پکوڑے بیچنا چاہتے ہیں تو انہیں یہاں کی سرکار بیچنے نہیں دیتی ہے اور اس بات کا جیتا جا گتا ثبوت ضلع رام بن کے حدود میں آنے والے ڈھابے ہیں جنہیں منہدم کر دیا گیا۔
رام بن کے ڈگڈول میں مال پوڑے بیچنے والے سرجیت سنگھ نے ای ٹی وی بھارت سے بات کرتے ہوئے بتا یا کہ ہرروز تقریباً 1000سے 1500 روپے کا کاروبار ہوتا تھا اور ان مال پری کو روزہ دار مسافر اور ڈرائیور بڑے ہی شوق سے کھاتے ہیں خاص کر یہ ڈرائیوروں کی پسندیدہ چیز ہے۔
انہوں نے کہا کہ یہ مال پورے ضلع رام بن کے متعدد مقامات پر بنائے اور بیچے جاتے ہیں جن میں شیطان نالہ، شیر بی بی، ڈگڈول اور بیٹری چشمہ میں بنائے جاتے تھے لیکن ستم ظریفی یہ ہے کہ جب سے ایچ سی سی کمپنی نے فور لائن پر کام شروع کیا تو اب یہ مال پری صرف شیطان نالہ اور ڈگڈول میں ہی بنائی جاتی ہے۔
انہوں نے مزید کہا کہ جن ہوٹل والوں کو شاہراہ کے آس پاس سے ہٹا یا گیا ہے انہیں ابھی تک کہیں بھی کوئی دوسری متبادل جگہ فراہم نہیں کی گئی ہے، جس کی وجہ سے ان کے اہل و عیال فاقہ کشی کے شکار ہیں، یہاں تک کہ ان کے بچوں نے اب سکول جانا بھی بند کر دیا ہے۔
وہیں سرجیت سنگھ نے کہا کہ ان مال پری کو سیاح بھی بہت زیادہ پسند کرتے تھے لیکن اب یہ ایک پہیلی بن کر رہ گیا ہے۔
