ضلع رام بن میں ضلع ترقیاتی کونسل کے پانچ مرحلوں انتخابات ہوچکے ہیں جس میں رائے دہندگان نے اپنے حق رائے دہی کا استعمال کیا ہے وہیں ضلع کی پانچ نشستوں پر ابھی ووٹنگ ہونی باقی ہے، جن میں سے کونسلر نشست راجگڑھ بھی ایک ہے۔
تمام امیدوار اپنی انتخابی مہم کافی زور و شور کے ساتھ چلا رہے ہیں۔ اسی سلسلے میں راجگڑھ سے کونسلر کے امیدوار سیور سنگھ (آزاد امیدوار) جنہوں نے ضلع رام بن کے اس دور دراز علاقہ اور کونسلر نشست راجگڑھ کی کئی دوسری پنچایتوں کا دورہ کے ان علاقوں میں عوام کے حالات دیکھ کر ضلع رامبن کے ان دور افتادہ و پسماندہ علاقہ جات کے لوگوں کے لئے اپنی ذاتی طور ایمبولینس اور خواتین کے لئے ایک مخصوص گاڑی کی دستیابی کا اعلان کیا ہے۔
انہوں نے ای ٹی وی بھارت سے بات کرتے ہوئے سیور سنگھ نے کہا کہ یہ دور دراز علاقے سیاسی رسہ کشی کا شکار رہے ہیں اور سیاست دانوں نے آزادی سے لے کر اب تک یہاں کے لوگوں کے ساتھ صرف جھوٹے وعدے کئے ہیں، جبکہ زمینی حقائق کچھ اور ہیں۔ چونکہ ان پسماندہ علاقوں کے لوگ ابھی بنیادی سہولیات کا رونا رو رہے ہیں۔
انہوں نے اس بات پر زیادہ زور دیا کہ ان پسماندہ علاقوں میں طبی سہولیات کا فقدان ہی نظر آتا ہے اور ساتھ ہی ساتھ بجلی پانی کے ساتھ ساتھ دوسری بنیادی سہولیات کا نظام درہم برہم ہے۔ اس پسماندہ نشست کے رائے دہندگان کو اکثر ووٹ بینک کے طور پر سیاستدانوں نے استعمال کیا ہے۔
انہوں نے الیکشن مہم کے دوران مذکورہ پسماندہ علاقوں کے حالات دیکھنے کے بعد لوگوں کے لئے ایک ایمبولینس گاڑی واگزار کرنے کا اعلان کیا ہے۔ انہوں نے یہ اعلان اس لیے کیا کیونکہ اس علاقے میں طبی سہولت کا فقدان ہے۔ اور مریضوں کے یہاں دردذہ میں مبتلا خواتین کو دوران زچگی یہاں سے قریب 25 کلومیٹر دور ضلع ہسپتال رام بن پہنچانا پڑتا ہے، جہاں دوران سفر ہی چند مریض دم توڑ دیتے ہیں۔
ساتھ ہی ساتھ یہاں کے مرد وزن کو اس لمبے سفر کے لئے سواری دستیاب نہیں ہوتی اور ان علاقہ جات کے لوگوں کی پریشانیوں کو اپنی پریشانی سمجھ کر انہوں نے لوگوں کے لئے ایک ایمبولینس اور خواتین کے لئے ایک گاڑی وقف کرنے اعلان اس لئے کیا۔
انہوں نے کہا کہ وہ یہ سب اسلئے کر رہے ہیں چونکہ وہ یہاں کے مقامی ہے اور ساتھ ہی ساتھ ان پسماندہ علاقوں کے لوگوں کے دکھ درد کو سمجھتے ہیں۔
مزید پڑھیں:
ووٹ دینے کا مقصد علاقے کی ترقی ہے: ووٹرز
انہوں نے کہا کہ انہوں نے لوگوں کے سامنے اپنا انتخابی منشور واضح طور پر بیان کیا ہوا ہے اور وہ اس علاقہ کی ترقی اور عوامی مسائل کو حل کرنے کے لئے بھر پور کوشش کرتے رہے گے چونکہ ان کے لئے ہار جیت کوئی معنی نہیں رکھتی اور بغیر کسی سیاسی غرض کے انہوں نے عوام کے درپیش مسائل کو مدنظر رکھ کر رام بن کی تاریخ میں ایک نیا باب رقم کر کے انتخابات سے پہلے ہی ان دور افتادہ علاقوں کے لئے ایک ایمبولینس اور خواتین کے لئے ایک گاڑی ذاتی طور پر میسر رکھنے کا اعلان کیا ہے۔
