ضلع رامبن کی سب ڈویژن گول میں پہلی بار کھیلو انڈیا کے تحت بچوں کو تائیکوانڈو سکھایا جا رہا ہے۔ اس میں پانچ سے اٹھارہ سال تک کے تقریبا پچاس بچوں نے حصہ لیا۔ اس سلسلے میں آج ایک پروگرام کا انعقاد ہوا۔
پروگرام میں انسپکٹر سمپال گل مہمان خصوصی کے طور پر موجود تھے۔ اس موقع پر لکچرر منظور احمد تراگوال، ماسٹر نواز احمد وانی مہمان ذی وقار کے طور پر موجود تھے۔
کھیلو انڈیا کی جانب سے تائیکوانڈو سنٹر گول کے کوچ اروند سیتی نے کہا کہ تقریبا دو ماہ سے وہ یہاں پر بچوں کو تائیکوانڈو سکھا رہے ہیں۔ بچوں نے اس کھیل میں کافی دلچسپی کا مظاہرہ کیا۔ کافی تعداد میں بچے اس کھیل میں حصہ لے رہے ہیں۔
یہ بھی پڑھیں: رامبن: این ایچ 44 کی تعمیراتی کام کرنے والی کمپنیوں کے خلاف احتجاج
انہوں نے کہا کہ یہ انڈور گیم ہے جس وجہ سے انہیں پہلے کافی پریشانیوں کا سامنا کرنا پڑا، کیونکہ انڈور اسٹیڈیم پر تعمیری کام جاری ہے اور جب اسٹیڈیم مکمل ہوگا تو کافی سہولت ہوگی۔ یہاں مزید کھیلوں کا انعقاد ہوگا۔
انہوں نے کہا کہ ہائر سیکینڈری اسکول گول کی انتظامیہ نے ان کا بھرپور ساتھ دیا جس وجہ سے ہم آج یہاں پر بچوں کو کھیل سکھا رہے ہیں۔
