ضلع پونچھ کی تحصیل منڈی میں گزشتہ چند ماہ سے آزادی کا امرت مہااتسو کے تحت متعدد پروگرامز منعقد کئے جارہے ہیں۔ وہیں آج منڈی ہیڈ کوارٹر پر محکمۂ تعلیم کی جانب سے ایک ریلی کا اہتمام کیا گیا۔ ریلی میں متعدد اسکولوں کے طلبہ نے شرکت کی۔
ریلی میں بوائز ہائیر سیکنڈری اسکول منڈی، گرلز ہائیر سیکنڈری منڈی، مڈل اسکول منڈی۔ مڈل اسکول راجپورہ لیفٹ کے علاوہ دیگر اسکولوں کے طلبہ نے بڑھ چڑھ کر حصہ لیا۔
اس سے پہلے گورنمنٹ بوائز ہائیر سیکنڈری اسکول منڈی میں ایک پروگرام منعقد کیا گیا۔ پروگرام میں اسکولوں کے اساتذہ اور طلبہ نے عہد کیا کہ ہر روز فٹ انڈیا پروگرام کے تحت آدھا گھنٹہ ورزش کرکے اپنے آپ کو صحت مند رکھیں گے۔
اس موقع پر بلاک ترقیاتی کونسل چیئرمین شمیم احمد گنائی نے ہری جھنڈی دکھاکر ریلی کو روانہ کیا۔ ریلی منڈی بازار سے ہوتی ہوئی منڈی بڈھا امرناتھ پر اختتام کو پہنچی۔
اس حوالے سے زونل ایجوکیشن پلاننگ آفیسر محمد اسلم کوہلی نے ریلی کے مقصد کو بیان کرتے ہوئے ان پروگراموں کی عملی شکل دینے پر زور دیا۔
