رامبن میں افطار پارٹی کا اہتمام

ریاست جموں و کشمیر کے ضلع رامبن میں ڈپٹی کمشنر کی طرف سے رمضان المبارک کے مقدس مہینے کو مد نظر رکھتے ہوئے سرکٹ ہاؤس میتراہ رامبن میں افطار پارٹی کا اہتمام کیا۔

افطار پارٹی میں سینکڑوں کی تعداد میں مختلف سیاسی، سماجی، مذہبی، تجارتی تنظیموں کے عہداران، سیول سوسائٹی ممبران اور صحافیوں نے شرکت کی ۔

افطار پارٹی میں روزہ داروں میں پھل، مشروبات، اور دیگر کھانے پینے کی اشیاء تقسیم کی گئیں۔
مساجد کے اماموں اور خطیبوں نے ملک اور ریاست میں امن و اپسی بھائی چارہ، امن و امان کو مظبوط کر نے کی دعائیں بھی کی گئ ۔

افطار پارٹی میں ڈپٹی کمشنر رامبن شوکت اعجاز بٹ، ایس ایس پی رامبن انیتا شرما، ایڈیشنل ڈپٹی کمشنر رامبن ڈاکٹر بشارت حسین، اسٹنٹ کمشنر مال ہربنس لعل شرما، ڈپٹی ایس پی ہیڈکواٹر رامبن اصغر ملک، ڈپٹی ایس پی ٹریفک شریش شرما ایس ایچ اور رامبن وجے کوتوال شامل تھے۔

ایس ایچ اور محکمہ مال کے افسروں نے مہمانوں کو پر خلوس انداز سے افطاری و کھانے کے بعد الوداع کیا ۔