پروگرام میں مقررین نے تمبا کے منفی اثرات کے تعلق سے زیادہ سے زیادہ بیداری پیدا کرنے کی ضرورت پر زور دیا۔
مقررین نے بتایا کہ ہر برس تمباکو نوشی سے پیدا ہو نے والی بیماریوں سے کافی تعداد میں لوگوں کی موت ہوتی ہے، ایک رپورٹ کے مطابق تمباکو نوشی سے ہر برس پوری دنیا میں 60 لاکھ افراد مرتے ہیں۔
اس موقع پر چیف میڈیکل افسر رامبن کے ڈاکٹر سیف الدین خان نے کہا کہ عام لوگوں میں تمباکو نوشی سے نقصانات کے بارے میں بیداری پیدا کر نے کی ضرورت ہے۔
اس تقریب میں میڈیکل سپریٹنڈنٹ ضلع ہسپتال رامبن ڈاکٹر جے پی سنگھ، ڈپٹی چیف میڈیکل افسر رامبن ڈاکٹر اقبال بٹ اور دیگر طبی و نیم طبی عملہ موجود تھے۔ پروگرام کے اختتام پر تمباکو نوشی نہ کرنے کی حلف دلایا گیا۔
